النتائج 1 إلى 5 من 5

الموضوع: #ملحمة_يأجوج_ومأجوج!¡

  1. #1
    مركز الخليج مركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليج الصورة الرمزية قيس السوري
    تاريخ التسجيل
    Apr 2019
    الدولة
    ♡ســوريا ادلـب♡
    المشاركات
    16,410
    شكراً
    2
    تم شكره 797 مرة في 710 مشاركة

    #ملحمة_يأجوج_ومأجوج!¡

    في يوم من الأيام صحي الرسول صلى الله عليه وسلم من النوم مفزوع ودخل على زوجته (زينب) بنت (جحش) وهو بيصرخ: لا إله إلا الله، ويلٌ للعرب من شر قد اقترب، فُتح اليوم من سد يأجوج ومأجوج مثل هذه..
    وأبعد صباعين الإبهام والسبابة عن بعض.. فقالتله (زينب): يا رسول الله، أنهلك ونحن الصالحون؟!
    قالها: نعم إذا كثر الخبث.

    علشان نعرف قصة (يأجوج ومأجوج) والملحمة اللي هتتم بسبب ظهورهم في آخر الزمان، لازم نرجع مع بعض للبداية، زمان جدًا من آلاف السنين لما كانوا عايشين على الأرض زينا، وعلشان نعرف كل الكلام ده لازم نعرف قصة الشخص اللي كان السبب في سلامنا منهم، ألا وهو (ذو القرنين)..

    اليهود في يوم دخلوا على سيدنا محمد صلى الله عليه وسلم وسألوه عن قصة (ذي القرنين)، وده بسبب إنها مذكورة عندهم في الكتب اليهودية، وقتها ربنا نزل آية موجودة في سورة الكهف وهي: (ويسألونك عن ذي القرنين قل سأتلوا عليكم منه ذكرًا) سورة الكهف.

    طيب مين هو (ذو القرنين)؟!
    روايات كتير اتكلمت عن سبب اسمه، إلا إن أكثرهم قال إن قومه سموه بالاسم ده إعجابًا بيه، وتحية لهمتة العالية وشهامته، وده لأن (ذو القرنين) اتولد في أمة مستعبدة، احتلتها واعتدت عليها دول مجاورة لها، ولما كبر وأدرك ضعف قومه واستعبادهم، حزن وفكر يثور لتحرير بلاده..
    ويُقال إنه سمي بالاسم ده لأنه جاب الأرض كلها من المشرق والمغرب وكأنه أمسك قرنيها!

    بدأ (ذو القرنين) في تنفيذ قراره وهو تحرير قومه من الاستعباد، وبدأ في دعوة قومه للعمل على ذلك، ودعاهم للتوحيد والالتفاف حوله وتأييده، ولكنهم اعتادوا على قبول الظلم والذل، وطلبوا منه إنه ميتكلمش في الموضوع ده تاني علشان ميعرفش ملك أعدائهم فيجهز جيش قوي ويهاجمهم بيه..
    (ذو القرنين) ميأسش، وده لأن ربنا أعطاه قوة البدن والصحة، والحكمة والإيمان والرأي السديد.

    وفي يوم (ذي القرنين) شاف رؤيا عجيبة في منامه فزاد التفاؤل في قلبه، في الحلم شاف نفسه وكأنه بيتسلق الشمس، أو كأنها قربت منه فمسكها من قرنيها بإيديه..
    ولما فاق قال لأصحابه الحلم وهو منشرح الصدر وسعيد، وكان تفسير الرؤيا من أصحابه إنه هيقوى وهيكون له أتباع وجيش، وهيملك الدنيا كلها وهيمسك قرنيها -المشرق والمغرب-..
    ولقبوه من يوم الرؤيا بـ(ذي القرنين).

    مع الوقت زادت نفوذ (ذي القرنين) لحد ما بقى الحاكم، والتف الناس حوله وعاهدوه على السمع والطاعة ومحاربة العدو لحد ما يرجع لهم حقهم..
    وقتها بلاد (ذي القرنين) كانت بتدفع أموال كل سنة للملك المجاور ضريبة فرضها عليهم، ولما جيه وقت دفع الأموال دخل رجال الملك علشان يجمعوها من الناس، فطردهم (ذو القرنين) وكتب للملك كلام وأرسله "هذه الضرائب لن تدفع بعد اليوم، وإن القتال قادم إن شاء الله."

    جهز (ذو القرنين) جيش ضخم واستعد للحرب، واتحرك بالجيش لبلاد الملك الظالم، ولما عرف أهل بلاد الملك بتحرك (ذي القرنين) نحوهم، ربنا ذرع في قلوبهم الرعب، وهرولوا نحو الملك وطلبوا منه يعمل صلح، فغضب منهم وجمع الجيش واستعد للقتال..
    اتقابل الجيشين وقامت ملحمة مهولة، وربنا كان مع المؤمنين الصابرين، ونصرهم وهزموا أعدائهم، وسقط حاكم بلاد العدو قتيل في ميدان القتال، وبكده خلص (ذو القرنين) بلده من حكم الظالم، واتولى العرش مكانه وبقى ملك على بلاده والبلاد المجاورة، فنشر العدل بين الناس.

    بعد كده قرر (ذو القرنين) إنه يتحرك بجيشه القوي في الأرض كلها ويطهر شرقها وغربها بكلمة الله، وربنا أعطاه كل اللي يخليه قوي ومنتصر (إنا مكنا له في الأرض وآتيناه من كل شيء سببًا) سورة الكهف..
    اتحرك (ذو القرنين) بجيشه ناحية الغرب، فلقى ناس كافرين مبيعبدوش ربنا، حاربهم وانتصر عليهم، وقدر يسيطر على كل شيء في الغرب، ونصحهم وأصلح شأن بلدهم وعمرها، وبنى فيها أماكن للعبادة وقدر يجعل منهم قوم مؤمنين بيعبدوا الله.

    بعد كده اتحرك (ذو القرنين) ناحية الشرق بعد ما اطمئن على حال الغرب، كان معاه جيش ورجال من المهندسين والأطباء، وفضل يدعو كل قوم يلاقيهم في طريقه لعبادة الله، لو آمنوا كرمهم وجعلهم أعزة، ولو كفروا عذبهم (حتى إذا بلغ مطلع الشمس) سورة الكهف.. وصل لمكان مطلع الشمس، لقى ناس هنا وشاف إنهم (وجدها تطلع على قوم لم نجعل لهم من دونها سترًا) سورة الكهف.. وفي اللفظ كناية عن إن حياة الناس دي كانت بدائية جدًا، ومبيمتلكوش إلا ملابس قليلة اللي مش مكفية لتغطية جسمهم حتى من الشمس!

    وصل (ذو القرنين) لأراضي نهايتها المحيط، وبعدين رجع يمشي بجيشه بين سهول الصين الواسعة، فلقى فيها أودية خصبة وهضاب وعرة صعب السير فيها، وفضل يمشي لحد ما وصل لفتحة واسعة عريضة بين جبلين عاليين، ولقى ورا الجبلين أمة وقبيلة صالحة من الناس، لها دين وإيمان وبيعبدوا الله، ولكنهم معزولين عن العالم، وكانت الفتحة اللي بين الجبلين هي سبب تعبهم ومشقتهم، وخوفهم على أولادهم وأنفسهم، لأن من الفتحة دي بيخرج قبيلتين متوحشتين، كانوا بياكلوا كل حاجة وبيعتدوا على الناس دي، وبيهلكوا زرعهم وثمارهم، وبيقتلوا النساء والرجال والأطفال بوحشية بدون رحمة ولا دين، اسمهم قوم (يأجوج ومأجوج).

    ولما شافت القبيلة المؤمنة جيش (ذي القرنين)، وسمعت عن عدله وصلاحه، فرحت لأنها كانت في عذاب من أعدائها (يأجوج ومأجوج)..
    واتحرك وفد من شيوخها لـ(ذي القرنين)، وأعلنوا عنده إيمانهم بالله واستغاثوا (قالوا يا ذا القرنين إن يأجوج ومأجوج مفسدون في الأرض فهل نجعل لك خرجًا على أن تجعل بيننا وبينهم سدًا) سورة الكهف..
    ونبهوا (ذو القرنين) عن كارثة هتحصل لو ماتصرفش فيها هيفنى العالم بسببها، لأنهم قالوا له إن (يأجوج ومأجوج) عندهم أولاد كتير جدًا وبيتكاثروا بسرعة مهولة، وإنهم هيملوا الأرض بولادهم عن قريب، وهينشروا الفساد والكفر بين الناس، فطلبوا منه إنه يقيم سد منيع بين الجبلين، يسد بيه الفتحة اللي بيخرج منها (يأجوج ومأجوج)، وعرضوا عليه إنهم يدوه أجر كبير، فقالهم إنه مش محتاج المال بل هو بينشر الإيمان وعبادة الله الواحد الأحد، وإنه طالب منهم بس يساعدوا على بناء السد ده.

    أمر (ذو القرنين) الناس إنهم يجمعوا الحديد (آتوني زبر الحديد) سورة الكهف..
    وأمر المهندسين يقيسوا المسافة بين الجبلين وارتفاعها، وأمر العمال يحفروا أساس في الأرض، وبعدين حط قطع من الحديد بين الجبلين (حتى إذا ساوى بين الصدفين) سورة الكهف..
    وحط بين كل طبقة حديد والتانية كمية من الفحم، وفضل يحط طبقات حديد عريضة وطبقات فحم فوق بعض لحد ما سد بين الجبلين، وفضل العمال ينفخوا في الفحم لحد ما اتحول قطع الحديد لنار سايلة (قال انفخوا حتى إذا جعله نارًا) سورة الكهف..
    وهنا كان هدف (ذو القرنين) إنه يربط قطع الحديد ببعض علشان يصنع منها سد بقطعة واحدة..
    وبعدها صب النحاس المنصهر على الحديد علشان يسد الشقوق (قال آتوني أفرغ عليه قطرًا) سورة الكهف..
    واتحول السد لسد ضخم عالي جدًا صعب على (يأجوح ومأجوج) يتجاوزوه (فما اسطاعوا أن يظهروه وما استطاعوا له نقبًا) سورة الكهف.

    وبعد ما خلص (ذو القرنين) بناء السد العظيم، نظر له بكل تواضع رغم إن عمله عظيم، ولكنه متكبرش لحظة، دقق فيه وحمد ربنا وشكره (قال هذا رحمة من ربي) سورة الكهف..
    وقدر ينقذ الأمة الصالحة، وعاشت في أمان كامل وتفرغت للعبادة وعمل الخير، فكان (ذو القرنين) ليهم رحمة من الله للمؤمنين.

    وبعد الاطمئنان والهدوء، وقف (ذو القرنين) فجأة قدامهم وقال: لا تظنوا أن هذا السد سيكون خالدًا وأبديًا (فإذا جاء وعد ربي جعله دكاء) سورة الكهف.. (وكان وعد ربي حقًا) سورة الكهف..
    أشار (ذي القرنين) في كلامه لقضية فناء الدنيا وتحطيم هيكل نظام الوجود فيما عند البعث.. وإن (يأجوج ومأجوج) هيخرجوا في يوم من الأيام مرة تانية ويبيدوا كل شيء على وجه الأرض.

    بما إنكم عرفتوا قصة (ذي القرنين)، تعالوا بقى للأهم من ده كله، تعالوا نعرف إيه اللي ممكن يحصل لو خرج (يأجوج ومأجوج) تاني من بين الجبلين!!

    خروج (يأجوج ومأجوج) من علامات الساعة الكبرى، في صحيح مسلم في الحديث عن النواس بن سمعان، فيما معناه:
    لما يأذن ربنا بخروج (يأجوج ونأجوج) هيضربوا في السد ويتسببوا في انهيار قطعة منه، وبعدين هيقول قائدهم "سنكمل غدًا إن شاء الله"، فيأذن ربنا بخروجهم لقول قائدهم إن شاء الله..
    هما كده كده يوميًا بيضربوا في السد من يوم ما فاقوا من نومهم ولقوه مبني فوقيهم، ولكن قائدهم مابيقولش "إن شاء الله"، بيقول إنهم هيكملوا بكرة، ويرجعوا يضربوا تاني.. يعني حياة البشرية كلها متوقفة على كلمة واحدة يقولها قائدهم، اللي ممكن يقولها في أي لحظة بالمناسبة.

    هيخرجوا زي ما موجود في الحديث من كل حدب وصوب، وهيفسدوا في الأرض.. هيشربوا الماء كله، حتى إن أولهم هيشربوا بحيرة طبرية كلها، وبعد كده هيكملوا زحفهم وهم بياكلوا كل اللي هيقابلهم من بشر ودواب وأشجار، ومش هيسيبوا أخضر ولا يابس إلا وقضوا عليه..
    هنا هيحس الناس برعب وفزع، فهيختبئوا منهم.. هيزداد فجورهم وكفرهم وهيقولوا: قتلنا أهل الأرض، فلنقتل أهل السماء..
    وهيصوب واحد منهم رمحه ناحية السماء ويضربها، فهيرجعها ربنا سبحانه وتعالى ليهم مليانة دم فتنة ليهم، هيزداد غرورهم وهيقولوا: قتلنا أهل الأرض وعلونا أهل السماء.

    (يأجوج ومأجوج) هيخرجوا بعد نزول سيدنا (عيسى) عليه السلام وظهور المسيح الدجال.. فبعد ما ينزل (عيسى) ويحارب المسلمين المسيح الدجال وقتله، هيأمر ربنا سيدنا (عيسى) إنه يمشي هو واللي معاه بعيد عن (يأجوج ومأجوج)، ويحتموا بمنطقة الطور..

    بعد فجور قوم (يأجوج ومأجوج) ربنا هيأذن بالقضاء عليهم، فهيرسل (النغف)..
    والنغف هو دود هيخرج من أنوفهم وخلف رؤوسهم فهيقتلهم كلهم، فتكون نهايتهم بسبب أضعف الكائنات، وهتتملي الأرض بعفنهم ونتنهم ولحومهم..
    فهيرسل ربنا عليهم طير ياكل لحومهم، وبعد كده هينزل مطر يغسل الأرض وترجع أفضل مما كانت.

    هيعيش الناس بعد (يأجوج ومأجوج) أفضل حياة على وجه الأرض، في الحديث الشريف النبي صلى الله عليه وسلم اتمنى إنه يعيش في الوقت ده.. حتى إنه قال (طوبي لعيش بعد المسيح يؤذن للسماء في القطر ويؤذن للأرض في النبات حتى لو بذرت حبك على الصفا لنبت وحتى يمر الرجل على الأسد فلا يضره ويطأ على الحية فلا تضره ولا تشاح ولا تحاسد ولا تباغض).

    ملحوظة: (يأجوج ومأجوج) من نسل (يافث) ابن سيدنا (نوح)، جد الأتراك والسلاجقة والروم الأولى والمغول والباكستانيين.

    وآخرًا كلها اجتهادات من العلماء في تفسير كتاب الله، والله أعلى وأعلم بصحتها..
    جميل ان تكون
    نواياك بيضا۽
    حتى وان ٲلبسوك سواد
    ظنونهم

  2. الأعضاء الذين قاموا بشكر العضو قيس السوري على المشاركة المفيدة:


  3. #2
    مركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليج الصورة الرمزية عــاشـﭱـه الصـ۾ــت
    تاريخ التسجيل
    May 2017
    المشاركات
    10,618
    شكراً
    6,521
    تم شكره 2,686 مرة في 2,046 مشاركة
    اللهم ثبتنا علـى دينك

    احسنت النشر اخي

    ﺎستِغفرﺎللـّہ حتى يُزﺎح عنـآ ﺎلثقل ،
    حتى تخف ﺎلنفسُ وٰ ينشرح ﺎلفُؤﺎد
    . ♡

  4. #3
    مركز الخليج مركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليج الصورة الرمزية دمـ﷽ـو؏💦الـورد
    تاريخ التسجيل
    Apr 2017
    المشاركات
    14,477
    شكراً
    206
    تم شكره 3,697 مرة في 2,757 مشاركة

  5. #4
    مركز الخليج مركز الخليجمركز الخليجمركز الخليج الصورة الرمزية امـೋـير بأﺣـلامي
    تاريخ التسجيل
    Jun 2019
    المشاركات
    2,652
    شكراً
    2
    تم شكره 427 مرة في 374 مشاركة
    احسنت النشر





    .

  6. #5
    مركز الخليج مركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليجمركز الخليج الصورة الرمزية ♧فــ🐆ـهــ🐆ــد♧
    تاريخ التسجيل
    Apr 2017
    المشاركات
    842
    شكراً
    0
    تم شكره 184 مرة في 133 مشاركة
    تسلم يمينك ربي يسعدك طرح في منتهئ روعه

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •